Guwahati, Jylliew 3: U Himanta Biswa Sarma uba dei u Myntri Rangbah ka jylla Assam, u la ban jur ia ka jingdonkam ban iada ia ki jaka ba lang um kiba don markhap ki sor rit ne ki sor khnang ban lait na ka jingshlei um um ha ki Sor.
Ha ka jingleit ban jurip sha Silchar kaba hap hapoh Cachar district mynta ka sngi ban lum jingkhein ha kaba iadei bad ka jingshlei um, Dr. Sarma u la pynpaw ia ka jingma na ka mariang hadien ka jingduh noh ia ki jaka ba lang um.
U la ong ba kine ki jaka ba lang um ha ka thain Silchar, kum ka Malini Beel, ka Maheesha Beel, ka Rangirkhaal bad ka Singerkha, bad kumba long mynta ki jingthaw ba im ki long kum ki nongiada ia kine ki jaka lang um bad iarap ruh ban pynlait na ka jingshlei um ha ki jaka sor.
U Myntri Rangbah u la pynpaw ba ha ka por ba ki jaka ba lang um ki duh noh, ka jinglong jingman kan ialam sha kaba sniew bad u la bynrap ruh ba ka sorkar ka dang wad ia ki lad ki lynti ne ka long-term policy ban weng ia kane ka jingeh.
Na ka liang Sarma, ha ka jingwan poi ha sor Silchar , u la leit ban jurip ia ki hynriew tylli ki relief camps kiba la buh ha Government Boys’ HS School, ha Normal School, ha Kendriya Vidyalaya Silchar, ha Hiron Prova Sishu Mandir, Cosmic Market bad ha Malini Beel and Ukil Bazar LP School.
Shuh shuh u Sarma u la ioh ruh ban ia kren bad ki briew ban sngewthuh hi da lade iaka jingeh ka jong ki bad u la bthah ruh ia u District Commissioner u Mridul Yadav ban pynbiang ia ki jingdonkam baroh ha kine ki jaka ba rieh tngen shipor.
U Sarma u la bthah ruh ia ki bor pyniaid jong ka District ba kin peit kyrpang ia ka jingdonkam ka jong ki briew kiba rangbah bad kumjuh ruh ia ki kmie bad ki khynnah bad ban pyntina baroh 24 kynta ban peit ban don ioh ka umdih kaba khuid bad kaba suba.
