Guwahati, K’lyngkot 8: Ha ka jingjia bym ju jia koit, kawei ka ktem jong ka kynhun kiengatiar United Liberation Front of Asom (ULFA-I), kaba don ha Myanmar, kala shah hiar thma ha ki drone jong ki shipai.
Ia kane ka jingjiala pynthikna da ka ULFA-I lyngba ka kyrwoh bala pyllait hynne ka sngi Nyngkong.
Ka ULFA-I ka kam ba kane ka jinghiar thma da ki drone ia ka ktem ha Myanmar ka dei kaba la leh da ki shipai India.
Kat kum ka jingong ka kynhun, ia kine ki drone la pynher bad pyniaid na ki thain Arunachal Pradesh.
Kane ka ktem, ka dei kawei na ki ktem ba ju pyndonkam ka ULFA-I ha kaban wan leh ia ki kam pyntriem sha India bad ai jaka rieh bad jaka hikai ia kiba dang shu rung dkhot thymmai.
Ka ULFA-I ka ong “Da kaba shim ia kum kane ka sienjam, lada ki shipai India ki kyrmen ban rat dyngkhong ia ka seng, ka dei tang ka jingkyrmen ka bym lah ban urlong da lei lei ruh”.
Lah ban kdew ba ka jingialeh hapdeng ka Sorkar India bad ka Sorkar Assam pyrshah ia ka ULFA-I kala nang jur ha kine ki khyndiat bnai hadien ba kane ka kynhun ba ialam da u Paresh Baruah kala kyntait ban iasnohkti ha ka jingiakren iasuk.
Ha ka 29 tarik Nohprah, 2023, ka Sorkar Pdeng, ka Sorkar Assam bad ka ULFA kila iasoi ia ka soskular iasuk. Kane ka kynhun ka dei kaba ialam da u Arabinda Rajkhowa.
, kaba don ha Myanmar, kala shah hiar thma ha ki drone jong ki shipai.){kind=link}