Guwahati, Nohprah 02 : Ka kynhun jong ka Tnad Income Tax bad ka Central Bureau of Investigation (CBI) kila leit ban khynra ia ka Iingsah jong ki laingut ki nongkhaii dewiong be-ain bala paw bha, kiba don ha Margherita, Tinsukia District ka Assam.
Kat kum ka khubor, kine ki laingut ki nongkhaii dewiong ki kyrteng u B Ganesh ba na ka thain Leda, u Sunil Gurung ban a Bahbari bad u Gobind Chetry ba na Borgolai. La kynnoh ba kine ki briew kila pyniaid ia ka syndicate bad donkti ha ki kam tih dewiong beain ha kylleng ki par dewiong hapoh ka kyrteng jong ka Mergherita Coal India Limited.
Kaba sngewphylla ka long ba ki Pulit jong ka Tnad Pulit ka Assam kim shym la iadonlang ha kane ka jingkhynra.
Ka khubor ka iathuh, kane ka jingkhynra ka dei kaba la pynlong ha ka step sngi thohdieng ban bishar ia ka jingkynnoh ba kine ki lai ngut kim shym la siew ia ka khajna bad ruh ban tehlakam ia ka jingkynton spah ba khlem jingkhein jong kine ki briew hashuwa ka jingwan jong ka elekshon Assembly ha Assam.
La ong ba kine ki lai ngut ki dei ki nongkhaii dewiong ba khlain bor bha jong ka thain, kiba da ka jingiarap jong ki riew sain pyrthei, kila pyniaid ia kane ka syndicate dewiong.
Ia kane ka jingkhynra la synran da ka kynhun ba khlain bor jong ki CRPF, kiba la hiar khynra ha kajuh ka por ia ka iingsah jong kine ki laingut ki nongkhaii ha Bahbari bad Ledo.
 kila leit ban khynra ia ka Iingsah jong ki laingut ki nongkhaii dewiong be-ain bala paw bha, kiba don ha Margherita, Tinsukia District ka Assam.){kind=link}