spot_img

Assam | Dawa tohkit CBI ka Congress ba trei bym hok ia ka project ha Garukhuti

Date:

Share post:

Guwahati, Naitung 3: Ka Indian National Congress hapoh Assam kala dawa ban phah tohkit ha ka Central Bureau of Investigation (CBI) halor ka jingkynnoh pyndonkam bakla ia ka Assam Gorukhuti Multipurpose Agriculture Project, haba phaikhmat sha ka jingdie ia ki Masi Gir kiba 90 tylli sha ki riew shimet, kynthup ia kiba haiing hasem jong ki nongialam ka BJP bad ki nongtrei ka party.

Haba kren sha ki lad pathai khubor, u nongialam ka Congress uba dei ruh u MP barim u Ram Prasad Sarmah u la kynnoh ba ka pisa u paidbah la pyndonkam bakla jur bha ha kaba iadei bad ka jingkyntiew ia ka rep ka riang bad kumjuh ruh ka jingpynmih dud.

“Kala don ka jingsaphriang ha kaba iadei bad ka jingpyndonkam bakla bad kumjuh ruh ka jingbam sap ha kaba iadei bad ka Gorukhuti agricultural project. Kala don ka jingbym shai ha kaba iadei bad ka jingkynthoh ia kaba la ai da u
Padma Hazarika, uba dei u Chairman jong ka project, bad u Myntri Rangbah u Himanta Biswa Sarma,” la kam u Sarmah.

U Sharma u la ong ba ka sorkar ka la sdang ia kane ka projek ha ka jaka ba palat 77 hajar bigha ka jingheh hadien ba ka la beh shnong ia ki nongshong shnong ka India bad ka la pynlut ia ka pisa kaba la jan kot haduh 25 klur ha kane ka projek.

Hadien ba ka Padma Hazarika kala ioh rung ha ka kyrdan kynhun myntri sorkar bad ban bei tyngka ruh kaba heh ha kaba iadei bad ka fund jong u paidbah, ka sorkar kala pynkiew ia ka jingkmhih lynti jong u paidbah ha kaba iadei bad ki lad ioh kam ioh kam bad kumjuh ruh ka jingpynbiang ia ka jingpynmih dud lyngba ka ri masi Gir.

Ia ka Gorukhuti Multipurpose Agriculture Project la seng hadien ba la pynkynriah ia ki paidbah ia kaba la leh ha u snem 2021ban kyndang naphang ia kiba wan kyntur pud beain bad kiba kham bun ki dei ki Muslim ba kren Bengali ha kaba ar ngut ki briew bad u wei u khynnah ba dang 12 snem kila khlad.

Shuh shuh u Sarmah u la pynpaw ba na ka liang jong u Myntri Rangbah u la pyrshang ban iada ia kane ka project, hynrei u MLA, u Hazarika u la ong ba ka Agriculture Department kala ialam bakla ia u la bun bun sien.

Share post:

spot_img
spot_img

Popular

More like this
Related

Lum ka Meghalaya ia ki Jylla NE ba iapynlong lang ia ka National Games 2027 ha Shillong

Shillong, July 26: Kum ka sienjam n aka jingpynkhreh...

Plie u CM ia ka 134th Durand Cup ha Shillong | Pynliem ka Shillong Lajong da 6 kol ia ka Malaysia

Shillong, Naitung 26: Ka Jawaharlal Nehru Stadium, sa shisien...

Phet krad lut ki nongtrei bar jylla marsien leit khynra kot ka FKJGP ha LPG Bottling Plant ka IOCL

Nongpoh, Naitung 26: Ka Federation of Khasi Jaintia and...

Pat shim rai ka HSPDP ban bujli Myntri hapdeng ki 2 ngut ki MLA hapoh ka Sorkar MDA

Shillong, Naitung 26: Hapdeng ka jingsawa ka khubor bujli...