Guwahati, Risaw 13: Ka lok jong u nongrwai ba pawnam ka Assam u Zubeen Garg uba la khlad noh ka Garima Saikia Garg, ha ka sngi Nyngkong kala dawa ban pynioh ia ka hok na ka bynta u Zubeen Garg hapoh shi phew sngi.
Ha ka post Facebook jong ka, ka Garima Saikia Garg ka la thoh #Ngi donkam ia ka hok u ZubeenGarg hapoh 10 sngi “Ka hok na ka bynta ka ZubeenGarg”.
Ka Dr Palmee Borthakur, ka para jong u Zubeen Garg ha kajuh ka post ka la thoh #JusticeForZubeenGarg ngi donkam ia ka jingbishar ba hok ia u Zubeen Garg hapoh shi phew sngi.
Baroh ki la mih sha ki social media ban wad ia ka hok na ka bynta u nongrwai ba la khlad noh u Zubeen Garg uba la long u nongpynkhih ia ki dohnud jong ki paidbah ka Assam bad ka jingkhlad kyndit jong u ha Singapore ka la pynkyndit ia ki paidbah ka jylla baroh kawei.
Ka Garima ka la kyntu ia ki paidbah ban pyndonkam ia ka bor ban dawa ia ka hok na ka bynta u nongrwai ba ki ieid eh.Ka jingïap khlem dei por jong u Zubeen ha ka 19 tarik u Nailur ha um ha Singapore ka dang sah kum ka jingmaïan, kaba la pynlong ïa ka Garima bad ïa kiba bun kiwei pat ban sah ha ka umdum halor ki jingjia kiba la jia ha ka jingkhlad noh jong u.
Ka jingkhlad jong une u nongrwai ba 52 snem ka rta, ka la pynlong ia ki pulit ban kem ïa hynniew ngut ki briew, kynthup ïa u festival organiser u Shyamkanu Mahanta bad u manager jong u Zubeen u Siddharth Sharma.
Na ka liang ka Garima ka la pynpaw ia ka jingsngewsih namar ka jingbym shai bha ia kaei kaba la jia ha katei ka sngi.
Ha ka jingleit ban jngoh ïa ka jaka thang ïa ka met ka Zubeen ha Kamarkuchi kaba don sha ki bynta ba shatei jong ka nongbah ha ka miet jong ka sngi Thohdieng, ka la kyntu ïa ki nongkyrshan ba kin pynjur ïa ka jingdawa ïa ka hok da kaba pyndonkam ïa u dak ne hashtag #JusticeForZubeenGarg ha ki social media manla ka sngi.
