Guwahati, Nailar 26: Hadien ba ki riew ngeit Muslim kila shah byrngem ha ki katto katne ki kynhun seng ba kidei ban mih noh na Upper District ka Jylla Assam, ka All India United Democratic Front (AIUDF) hynne ka sngi Nyngkong, ka la aiti daka dorkhas sha u Lat ka Jylla Lakshman Prasad Acharya bad dawa ruh ban ban leh eiei pyrshah ia kine ki seng.
Ka Upper Assam kaba don 9 tylli ki District, ka dei ka Administrative Division jong ka Assam.
Ka Liang Pyrshah ka dawa ruh ia ka jingpynshai paidbah naka Sorkar Jylla ba ialam daka BJP, haba pynrem ia kane ka jingshah byrngem ki riewngeit Muslim.
Ki katto katne ki kynhun seng dang shen ki la bthah ïa ki Muslim kiba kren Bengali ia kiba la tip kum ki ‘Miyas’ ba kin mih noh mardor na ki District ka Upper Assam, da kaba kam ba ka dei ka sienjam ban ïada ïa ki trai ri trai muluk bad ïa ka kolshor jong ki.
Ha ka dorkhas sha u Lat ka Jylla u Lakshman Prasad Acharya, ka AIUDF ka la ong, “Ngi la ioh jingtip ba ki don ki seng bym tip kyrteng, bad ki kynhun kiba la pynmih paidbah ia ki jingbyrngem pyrshah ia ka jaidbynriew Muslim da kaba dawa ba ki dei ban mih noh mardor na Upper Assam lym kumta kin iakynduh ia ki jingeh kiba shyrkhei”.
Ka kyntien Miya ka dei bala pyndonkam ban khot sin iaki Muslim kiba kren Bengali ha Assam bad la kynnoh ruh ba kidei ki briew kiba wan buhai shnong napoh ka Ri Bangladesh.
 hynne ka sngi Nyngkong, ka la aiti daka dorkhas sha u Lat ka Jylla Lakshman Prasad Acharya bad dawa ruh ban ban leh eiei pyrshah ia kine ki seng.){kind=link}