Guwahati, Nohprah 27: U Myntri Rangbah ka jylla Assam Himanta Biswa Sarma ha ka sngi Saitjain u la pynpaw ia ka jingsngewkhia halor ka jingkha roi ha ka jingbun paid ki Muslim kiba wan na Bangladesh hapoh ka jylla Assam.
“Katkum ka khana samari jong u snem 2011, ka jingdon 34% ki paid Muslim hapoh ka jyla Assam. Lada ngin ai 3% ki Assamese Muslims, te ka jingbun briew jong ki Muslim kiba wan na Bangladesh ka long 31% ha Assam.Ym shym la leh ia ka khana samari ha u snem 2021.Ynda la mih ka kaiphod jong ka jingkhein briew ha u snem 2027.Ka jingbun briew kan long 40 % ki nong Bangladesh kiba wan na Bangladesh”, ong u Sarma.
Ka jingkren u Sarma ka pynpaw ïa ki jingïakren ha ka saiñ hima sima bad ka imlang sahlang kiba dang ïaid shakhmat ha Assam halor ka jingwan buhai shnong, ka jinglong trai ri bad ka jinglong nongshong shnong, khamtam ha ka jingïadei bad jingwan buhai shnong ba khlem kot khlem sla na Bangladesh. Ka jylla ka la sakhi ia ka jingiakren kaba bteng halor ka jingkylla ha ka jingbun briew, da ki jingmut kiba iapher halor ka jingktah jong ka ha ka imlang sahlang bad ka sain pyrthei.
“Ka jingiathuhkhana lamler la thaw ha Assam da ka sorkar barim da kaba ong Shankar-Azan desh.Ngi la ju iohsngew ia u Shankar-Madhav naduh ba ngi dang rit hynrei ym shym la ioh sngew ia u Shankar-Azan hynrei la thaw ia ka jingiathuh khana lamler,” la ong u Himanta Biswa Sarma.
U la ong, “Kane ka la thaw jubor ha ka jingmut jingpyrkhat jong ngi da kaba thaw ia ka jingiathuh khana kaba bakla.U Madhavadeva u la long u synran jong u Shankardeva.U Azan Faqir u la don hangta hynrei um don bad u Shankardeva.Ia u Lachit Barphukan la pyniadei bad ka Bag Hazarika hynrei kaba ym shym la kdew ha ka history.Ka sorkar kaba rim kila pyrshang ban thaw ia ki khubor lamler,”.
Ka khana samri kaba hadien jong ka Assam, kaba la khmih lynti ba kan mih hadien ka jingkhein briew kaba la pynslem ha u snem 2021, kan ai ia ki jingkhein jingdiah ba la pynthymmai bad la khmih lynti ba yn peit bniah bha da ki nongthaw polisi ne ki policymakers bad ki nongpeit bniah kiba pynleit jingmut ha ka jinglong jingman jong ka imlang sahlang jong ka thain.
