Guwahati, Rymphang 26: U Myntri Rangbah ka Assam Himanta Biswa Sarma u la ai jingmut ba ïa u MP ka Congress Gaurav Gogoi la dei ban aiti ha ka kynhun “India-Pakistan” ha ka jaka ba un shah jied kum u president jong ka India–Philippines Parliamentary Friendship Group.
Ha ka sngi Nyngkong, u Lamphang ka Lok Sabha, u Om Birla, u la thaw ïa ki kynhun ïatreilang jong ka Parliamentary Friendly Groups bad palat 60 tylli ki ri, kiba kynthup ïa ki dkhot na kylleng ki party.La thung ia u Gaurav Gogoi kum u president jong ka kynhun iatreilang jong ka India–Philippines Parliamentary Friendship Group.
Haba kynthoh halor katei, u Sarma ha ka sngi Balang u la ïathuh ha ki lad pathai khubor ba u Gogoi un jin da la kham ïahap ban don hapoh ka kynhun “India-Pakistan” — kaba paw shai ba ka jingkynnoh jong u kaba kham mynshwa kaba la ai kyrteng ïa u nongïalam ka Congress kum u “agent jong ka Pakistan,” ka jingkynnoh kaba u Gogoi u la kyntait jur.
Haba jubab ïa ki jingkren jong u Myntri Rangbah ka Jylla, u Gogoi u la buh jingkylli ia ka bynta u Himanta da kaba kdew ba ïa ka jingthung jong u hapoh ka Panel la leh da u Lamphang ka Lok Sabha ym da ka sorkar Assam.
“Kaei ka bynta jong u Myntri Rangbah ka Jylla ha kane ka kam? Kaei ka jingkordor jong ka jingkren jongu?Shisien ba u Lamphang ka Lok Sabha u la aiti ia ka jingkitkhlieh hapoh ka iing dorbar, ngam sngewthuh ia ka jinglong jingman jong ki jingkynthoh ba la kren da u Sarma”, la ong u Gogoi.
Ka Assam Pradesh Congress Committee ka la ïada ruh ïa u president ka jylla jong ka, da kaba pynpaw ba ka jingshah jied jong u ban khlieh ïa ka kynhun ïatreilang jong ka India–Philippines Parliamentary Friendship Group ka wan ha ka por ba u Myntri Rangbah ka Jylla u la kynnoh ba u pynlong ïa ka “jingialap kaba shun ne kaba pynsniew” pyrshah ïa u — ka jingkynnoh ba u Sarma u la kyntait.
