Guwahati, Naitung 19: Ka Liang Pyrshah kala buh dak jingkylli ia ka por ba ka Election Commission of India (ECI) kala shim ia ka sienjam bad ia u snem ba pynshong nongrim ban phiah thymmai ia ki constituency.
Ha kawei pat ka liang, ka AIUDF kala leit tied ia ka jingkhang jong ka Iingkashari Supreme Court ban pyrshah ia kane ka jingpynkhreh ban phiah thymmai ia ki constituency.
U General Secretary ka AIUDF bad MLA Aminul Islam ula ong ba ka party kala ujor da ka mukotduma ha Iingkashari Supreme Court pyrshah ia kane ka kam ka ECI.
Ka mat ba tyntuh ka ong ba ka Assam ka don palat 35 % ki nongthep vote muslim bad na ki 126 tylli ki Assembly Constituency, ki Muslim kid dei kiba rai ia ki 30 tylli ki constituency bad hynriew tylli napdeng ki 14 tylli ki Lok Sabha constituency jong ka Assam. Ha u 2021 haba ka BJP kala wanphai pat sha ka bor, kala shim ia ka rai ban iada ia ka hok thep vote jong ki paid trai jylla.
Ki Nongpeit pyrman kila ong ba kane ka kam ka dei ka jingpynap shrip hapdeng ka jingiakhleh jaidbynriew hapoh Assam. Ka jingkylli ka mih la ka jingphiah constituency ka dei ka kam kat kum ka riti synshar lane ka dei tang ka buit sain pyrthei.
U Islam ula kynnoh ba ka draft bala tyrwa ban phiah ia ka constituency ka dei kaba la pynkhreh ban ai jingmyntoi tang ia ka BJP khnang ba kan jop ha ka elekshon Lok Sabha ban wan bad ruh ka elekshon MLA hapoh ka Jylla.
Pule ruh: Kurup ki BSF haduh 37 tylli ki masi ba thmu khaii tuh sha Bangladesh
 kala shim ia ka sienjam bad ia u snem ba pynshong nongrim ban phiah thymmai ia ki constituency.){kind=link}