Guwahati, Naitung 14: U Myntri Rangbah ka Assam Himanta Biswa Sarma ha ka sngi Palei, ula bthah ia ki bor District bad ia ki paid nongshongshnong ba kin long kiba phikir bad peit pyrman bha namar ka jingpyllait um jong ka Bhutan naka Kurichu Dam.
Haba thoh ha Twitter, u Himanta ulaong “Ka Sorkar Bhutan kala pyntip sha ngi ba mynta ka miet kan don ka jingpyllait um kaba bun bah na ka Kurichu Dam. Ngi la dep bthah ia ki bor District ba kin peit pyrman bad iarap ia ki briew kat kaba lah lada ka um ka poi sha ka wah Beki bad Manas”.
Nalor kane, ka Sorkar Assam kala bthah ruh ia ki District ba marjan ka Bhutan ba kin peitngor bha ia ka jinglong jingman.
Hadien ka jingpyllait ia ka um, ki District ba lam sepngi ka Assam kum ka Chirang, Kokrajhar, Talulpur, Nalbari bad Baksa kiba don sha ki jaka them, kin sa mad ia ki jingeh ba khraw bha hadien ka jingpyllait ia ka ym na ki dam ka Bhutan kiba la shlei na ka jingjur u slap.
