Itanagar, Jymmang 30: U Myntri Rangbah ka Arunachal Pradesh Pema Khandu, ha ka sngi Thohdieng ula pyntip ba ka sorkar jylla kan thaw ïa saw tylli ki high-powered committee ban bishar bniah ïa ki certificate jong ka APST, bad ban pynkhlain ïa ka rukom treikam jong ka Inner Line Permit (ILP), ban tehlakam ïa ka jingwan rung tuh hapoh ka jylla.
Haba kren ha ka X, u Khandu u la ong, “Ïa ka jingthaw ïa ki SAW tylli ki High-Powered Committees la mynjur mynta ka sngi hadien ka jingïakren bad ka Arunachal Indigenous Tribes Forum (AITF), ki CBO, ka AAPSU, ka ST Bachao Andolan Committee, ki heh sorkar bad ki riew shemphang ha ka aiñ halor ki saw tylli ki jingdawa ba kongsan ba ki komiti kin wanrah.” Ka committee kan eksamin bad ai jingmut ia ki lad ki lynti halor ka jingpynshisha biang ia ki syrnod APST, ka non-APST offspring issue, ka jingpynkhlain ia ka rukom treikam jong ka ILP bad ka jingbishar bniah ia ki kyndon jong ka ILP 2026, bad ka jingwan rung tuh beain.”
“Ia kawei pa kawei ka connittee yn ialam da ki nongialam kiba don ha ka kyrdan Myntri Myntri bad kin kynthup ia ki nongmihkhmat na ka AITF, AAPSU, ST Bachao Andolan Committee, ki legal experts, research scholars, bad ki nongmih khmat kynthei ban pynthikna ia ka jingtreikam kaba iadei, kaba kynthup lang, bad kaba pynshong nongrim ha ka jingtreikam,” ka official notification jong ka jylla kan long ha ka sngi Nyngkong, ong u Khandu.
La bthah ia ki committee ban aiti ia ki jingai jingmut jong ki hapoh hynriew bnai, wat la ka por lah ban pynjlan katkum ka field study bad ki jingiasyllok bad ki nongshim bynta.
Ka sorkar Arunachal Pradesh kan thaw ruh ia ka tnad trei kam kaba kyrpang na ka bynta ka rukom ai jingbit jong ka Inner Line Permit (ILP) ban pynkhlain ia ka jingpyntreikam jong ka bad ban iada ia ki hok jong ki trai ri trai muluk.
U Myntri Rangbah ka Jylla, u Pema Khandu, u la pynbna ia katei ka jingpynkylla, hadien ka seven-hour-long high-level consultative meeting ha ka sngi Balang.
