Itanagar, Risaw 27: Ki pulit ka jylla Arunachal Pradesh kila pynlong ia jingthwet kaba jur ha kylleng ka Ri ia u Ophisar IAS Talo Potom hadien ka jingdkhat jubor ki ar ngut ki kynthei ia la jong ka jingim, ba kynnoh ba u la leh kam pohjait bad kane kala mih ka jingpyrshah kaba jur bha na ki paidbah ha kylleng kylleng.
U lanot uba la shim ia la ka jong ka jingim udei uba dang 19 snem ka rta, bad la kynnoh ba une u khynnah ula khlad noh da kaba shim ia la ka jong ka jingim ha ka step 23 tarik mynta u bnai Risaw.
Une u khynnah samla u dei uba trei ha ka tnad Public Works Department (PWD).Ha ka shithi kaba u la thoh ha shwa ban shim iala ka jong ka jingim, u la kynnoh ba u Talo Potom bad u executive engineer ka tnad PWD kila leh bei-jot ia u la bunsien.Shuh shuh u la kynnoh ba u la ioh ia ka jingpang HIV namar ka jingshah leh bei-jot ha u nongshah kynnoh ba ar.
U Potom uba la 53 snem ka rta, bad mynshwa u la long ruh kum u Deputy Commissioner jong ka Itanagar, bad mynta u la trei kum u Special Officer hapoh jong u Secretary ka tnad PWD ha New Delhi.
Katkum ki pulit, la iathuh ba kila pynmih iaka lookout notice ne ka jingwad bniah bad thwet da ki pulit ka Nirjuli Police Station ha ka sngi Saitjain hadien bay m shym la lap ksai ia u nongshah kynnoh.
“U nongshah kynnoh u dang phet rieh ban lait na ka jingshah kem”, la ong uwei u heh pulit.
Ka tyllong khubor na ki pulit ka iathuh ba ia utei u lanot la tyrwa ia katei ka kam da u Potom ha ka por ba u dang long kum u Deputy Commissioner jong ka Itanagar hapdeng u snem 2021 haduh 2025. Dang shen ia u Potom la pynkynriah kam noh sha Delhi. Ki pulit ki la pynthikna ba katkum ka post-mortem baroh ar ngut ki lanot bad u nong shah kynnoh uba ar, bad la pynlong ïa ka test HIV ha ka met jong u nongshah pynïap.
“Mynta ngi dang ap ia ka report,” la ong u ophisar.
Kat kum ka shithi ba la thoh shwa ban pyniap ia lade, la kynnoh ba u Potom bad u engineer ki donkti ha ki kam bamsap bad kiwei kiwei ki “kam bymman.”
Ki baha ïing jong une u lanot ki la ïa shim bynta lang ha ka jingïakhih paidbah ban dawa ban kem mardor ïa u ophisar IAS. Ka jinglong jingman ha Itanagar ka la kylla long kaba jynjar namar ki nongiakhih ki dang iai bteng ban dawa ia ka hok.
