Itanagar, Naiwieng 26: Tang hadien san sngi, ym shym la lap ksai shuh ia u Contractor bad ia u nongialam jong ka PRI hadien ba la don ka jingkynnoh ba kila rah ha ka kti jong ki dkhot kaikhlaw NSCN (K) hapoh ka Tirap District jong ka jylla Arunachal Pradesh.
Na ka liang jong ki bor pahara kim shym la lah satia ban ioh jingtip ha kaba iadei shaphang ka jingdon ka jong kine ki ar ngut ki briew kiba la shah rah ha kane ka kynhun kieng atiar.
Katkum ki report, u Vijay Shankar Agarwal, u contractor ba na Rajasthan uba ioh ban pyntrei ia ka project shna surok bad u nongialam ka PRI u Bamnye Lammaty kila shah rah noh ha ki hadien ba kila pyrshang bad ia kren bad ki dkhot jong kane ka kynhun kieng atiar, ia kaba kane ka kynhun kala dawa pisa haduh 2 klur na u Agarwal.
“Kaba kham bunsien la ju iohi ba ki contractor bad ki nongkhaii ki ju kylla long ka target ia ki kynhun kieng atiar ha eastern Arunachal Pradesh.Ki ju rahbor ia ki contractor bad ia ki nongkhaii ban dawa pisa Ki kynhun kiba trei ia ki kam shna ïing ha ka thain eastern Arunachal Pradesh ki hap ban siew pisa kaba heh bha sha kane ka kynhun kieng atiar,” la ong ka tyllong khubor.
Kane ka jingjia ka pynpaw ia ka jingeh kaba dang iai bteng ka jingdawa pisa kaba la ka jingeh ia ka Tirap District, Changlang, bad Longding District, ha kaba ki contractor, ki nongkhaii, ki nongbylla, bad ki nongialam shnong ki ju shah byrngem rahbor na ki kynhun kieng atiar bapher bapher. Ia ki lanot ki ju pyllait noh hadien ba la siew ïa ka jingdawa ka jong ki, watla ki heh sorkar kim ju pynthikna ïa kum kine ki jingjia.
“Mynta ka sngi ka dei ka sngi kaba san naduh ba u Vijay Shankar Agarwal bad u nongialam ka PRI u Bamnye Lammaty ki la shah kem ha ki dkhot kane ka kynhun kieng atiar.Ngim shym la ioh kano kano ka jingpyntip na ki nongrah bor ha kine ki san sngi,” la ong uwei u nongpyniaid jong ka kompeni shna ïing uba kyrpad ban ym pynpaw kyrteng.
Na ka liang ki bor synshar shnong kim pat pynmih ia ka jingpynbna ne ka official statement kaba shai halor ki jingpyrshang ban pyllait im ne ba kin ia kren bad ki lehnoh.
Ka jingsngap jar na ki nongrahbor ka la nang pynjur ia ka jingsngewkhia ia kiba haiing bad ki paralok bad kitei ki arngut.Ki tyllong khubor ki iathuh ba ka jingdawa pisa mynta ka la kylla long ka kam jong kitei u kynhyn kieng atiar ha ka thain TLC jong ka jylla Arunachal Pradesh.
“Kiba bun na ki jingshah rahbor ki la ju leh ha kum kine ki aiom.Ki kynhun kieng atiar ne ki kai khlaw ki ju u la rahbor ïa ki nongkhaii, ki contractor ban ïoh pisa na ki kompeni ne na ka sorkar.Haba kren lyngkot, ki pynïaid ïa ka sorkar kaba ïaryngkat ha ka thaiñ. Ka kynhun kieng atiar kum ka NSCN (KYA) ka kham bun ha ka thaiñ bad na ka por sha ka por ki leh ia ki kam beain.Ha kawei ka liang, ki pulit bad ki bor pahara ki la long tang kum ki nongpeit kai,” la ong ka tyllong khubor.
 hapoh ka Tirap District jong ka jylla Arunachal Pradesh.){kind=link}