Itanagar, Jylliew 2 : Arngut ki kyrtong ka National People’s Party (NPP) kila ioh khur ia ka jingjop na ki artylli ki Assembly Constituency bala pynbna result hadien ka jingniew ia ki vote ba dang iaid shaid shaid mynta.
Kine ki arngut ki kyrtong ka NPP ki dei u Namgey Tsering uba jop na Tawang (ST) Assembly constituency bad u Pesi Jilen uba jop na Liromoba (ST) seat.
Kat kum ka jingkhein ba ai ka ECI, U Tsering ula ioh 4667 vote bad jop da 996 vote ia u kyrtong ka BJP Tsering Dorjee uba ioh 3671 vote.
Ha kawei ka liang, u Pesi Jilen ula ioh haduh 7206 vote ban jop da 1698 vote pyrshah ia u kyrtong ka BJP Nyamar Karbak uba ioh 5508 vote.
Ka jingniew vote jong ki 50 tylli ki constituency ka Arunachal Pradesh kala sdang hynne ka step sngi U Blei por 6 baje.
