Itanagar, Jymmang 03 : Ka Flying Squad jong ka District Tobacco Control Cell (DTCC), Itanagar Capital Region, kila pynlong ia ka jingkhynra ia ki dukan ba don marjan ki Iingskul ha Naharlagun khamtam ha Kanhar Nallah bad G-Sector, hapoh ka kyndon jong ka Cigarette and Other Tobaccp Product Act (COPTA).
Ha kane ka jingkhynra kaba la pynlong ha ka sngi Balang, ka Kynhun ba kynthup ia u CO Naharlagun Nani Mamung, District Consultant bad ki Pulit, kila ioh kurup ia bun bah u sikret bad kiwei ki duma nalor ka kyaid bala dein beain ha ki dukan bapher bapher kiba don hapoh ka 100 meter radius na ki jaka pule.
Baroh ki trai dukan kiba la shem ba ki pynkhein ia ka kynhun 6 (a) bad (b) jong ka COPTA kila shah dain kuna ba mar T.200 marwei ha ryngkat ka jingmaham ba kim bit shuh ban die ia ki duma bad sikret hajan ki jaka pule.
Ka kynhun kala kyntu ruh ia ki ban iatreilang bad iarap ia ki samla ba kin im ka jingim kaba lait na u duma.
Haba kut jong kane ka jingkhynra, baroh ki sikret bad ki duma lem bad ka kyaid bala kurup, la thang noh hajan ka Mini Secretariat kaba don ha Nagarlagun.
