Itanagar, Nailur 4: Ki Pulit ka Arunachal Pradesh kila kem ia uwei u Nonghikai jong ka skul shimet ha Lower Subansari District ha ka sngi U Blei halor ka jingkynnoh ba u ju jrong kti bad leh beijot ia bun ngut ki khynnah skul.
Kat kum ka jingiathuh ki Pulit, ia u Principal ka skul ruh la kem lang namar ka jingbym leh eiei pyrshah ia une u nonghikai watla u tip shaphang kane ka kam bymman.
“Une u Nonghikai ula leh beijot ia kumba 2-3 ngut ki khynnah skul kiba dang shong klas 5 bad 6. Halor ka ejahar bala mudui da ki kmie kpa, ki Pulit kila kem noh ia une u briew” ong ki Heh Pulit.
Kila iathuh ba kila register case ia une u nonghikai bad ka Women’s Police Station ha Hapoli bad la pynngat ia u hapoh ki kyndon jong ka POCSO Act. Ka jingtohkit mynta kala nang iaid shakhmat.
Ha u Naiwieng jong u snem bala lah, uwei u Warden jong ka hostel ka skulk aba don ha Shi-yomi District ula shah kem namar ka jingjrong kti ia 6 ngut ki khynnah shynrang bad 15 ngut ki kynthei, 6 ngut ia kaba ula leh beijot.
Ki Pulit kila shimkhia mardor ia kane ka kam bad kila kem ia une u briew.
Pule ruh: Kem ki Pulit ia ki Nongialam ka ACHIK hadien 39 sngi ba ki phetrieh
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
