Guwahati, Naiwieng 14: Ka Central Bureau of Investigation (CBI) kala kem ia u Tonia Langkam, u briew uba phet rieh haduh 16 snem na ka jingkynnoh donkti ha ka jyrsieh jong ka horticulture subsidy kaba don jingiadei bad ka National Horticulture Board’s Guwahati office.
Ia u Langkam la kem ha ka sngi Palei na Itanagar, Arunachal Pradesh. La kynnoh ba u la pynpoi thok ia ki 173 tylli ki application hapoh ka skhim NHB “Development of Commercial Horticulture through Production and Post-Harvest Management” da kaba pyndonkam thok ia ki application na Lohit District, Lower Dibang Valley bad na East Siang District.
Katkum ka CBI, ia kane ka case la register ha u bnai Iaiong jong u snem 2007 katkum ki jingtip ba la ioh na ki tyllong khubor. Ha ka jingtohkit hadien la lap ba ïa kitei ki aplikeshon bad ki kot ki sla la shna thok ha ka ïing sah jong uwei pat u nongshah kynnoh ha Guwahati, u Tarik Tolam, da ka jingïarap jong ki samla na katei ka thaiñ bad hapoh ka jingpeit jong u Langkam bad ki paralok jong u. Ki heh ophisar kila ong ba ka jingthmu ba long ban shu ioh pdiang ei ne beain ia ka subcidy jong ka sorkar ia kaba la mang na ka bynta ka horticulture development.
La chargesheet ha kane ka case ia kaba la ujor ha u sbnai Nohprah jong u snem 2009, hadien ba u Langkam u la phet rieh khlem da lap dien shuh, haduh ban da shah kem ha kane ka taiew.
Hadien ka jingshah kem, ia u Langkam la rah noh ha khmat u Special Judge na ka bynta ka case jong ki CBI ha Guwahati, ia uba la phah set hapoh ka jucicial custody.
 kala kem ia u Tonia Langkam, u briew uba phet rieh haduh 16 snem na ka jingkynnoh donkti ha ka jyrsieh jong ka horticulture subsidy kaba don jingiadei bad ka National Horticulture Board’s Guwahati office.){kind=link}