Guwahati, Rymphang 27: Ha kawei ka jingjia kaba sngewsih, 5 ngut ki briew na kajuh ka longing, kila khlad noh haba ka kali kaba ki shong kala noh sha riat Bopi Godak Circle hajan jong ka sor Daporijo ha Kamle District, Arunachal Pradesh hynne ka sngi Baar.
Kine kiba la khlad noh ki kynthup ia u Tator Pakmen, Pakmar Paksok, Linya Yudik, Tajum Nuk bad Betor Marde. Hynrei iwei i heprit ba dang 3 snem ka rta iba la tip kum i Libo Paksok i lait na ka jingiap bad mynta i don hapdeng ka jingshah sumar ha Muri Mugli Hospital ha Daporijo.
Ka kynhun ki pulit kala wanpoi sha katei ka jaka bad sdang ban pynlong ia ka jingtohkit ha katei ka jaka kaba la jia ka aksiden.
Katkum ki khubor bala iohlum la iathuh ba ia katei ka kali la niah da u Lompak Paksok ha kaba ula synran ia kawei ka kali kit nongpang ne ambulance kaba kit ia uwei u khynnah uba shitom jur u Jarli Paksok, ia kaba la pynkit ia u na TRIHMS Hospital, Naharlagun ban ioh ia ka jingsumar kaba kham bniah.
