Guwahati, Jymmang 17 : Ka kynhun ki ehrang ka United Liberation Front of Asom (Independent), kila pyllait noh hynnin ka sngi ba-ar, ia u Cashier jong kawei ka petrol pump ka Arunachal Pradesh u Dinesh Sharma, kaba la jia hadien arphew wei sngi ba ki rahbor ia u.
Kat kum ka khubor, ia u Dinesh Sharma uba dei u Nongtrei ka Chongkham fuel outlet, la pyllait ha ka thain Medo, kaba hap hapoh ka Wakro Circle, Lohit District. Ia une u briew lah rahbor ha ka 26 tarik Iaiong da ki laingut ki dkhot ka ULFA(I) kiba la kieng atiar bha.
Kane ka petrol pump ka dei jong u Jenia Namchoom, uba dei u dkhot ka Zilla Parishad.
Ha ka por ba jia ka jingrahbor, kala mih ruh ka jingther kuli na kine ki enrang,kaba lam sha ka jingmynsaw jur jong uwei u nongniah kali ka petrol pump u Mithai Marandi. Une u Nongniah kali ula khlad noh hadien ka jingsumar ha kawei ka hospital ba don ha Dibrugarh District.
