Shillong, Naiwieng 18: Ka jingshna ia ka Eklavya Model Residential Schools (EMRS), ka thmu ban ai ia ka pule puthi kaba paka ia ki khynnah riewlum bad kane kala sdang ban iaid shakhmat ha kylleng ki bynta jong ka jylla Meghalaya.
Ar tylli ki EMRS ha Samanda, East Garo Hills bad Pahamsyiem ha Ri Bhoi District, kila pyndep ia ka jingtei bad mynta ki dang ap ban ioh ban sdang pyntreikam noh, ha ka bynta ka baar jong une u snem, la pyntip ki heh ophisar ha ka sngi Baar.
Ka Ministry of Tribal Affairs kala tyrwa ban tei ia ki jaka ialehkai hapoh jongka.
Centre of Excellence (CoE) ha ki 4 tylli ki jaka kiba kynthup ia ka shnong Jetragre (Chokpot Block) na ka bynta ka Football, ka shnong Nongkhyllam (Ranikor Block) ban ialehkai Cricket, Dambo (Rongjeng Block) na ka bynta ka Athletics bad Phlangdkhi (Pynursla Block) ha ka Football.
Kane ka jingtyrwa ban tei ia ki jaka ialehkai ka kynthup ruh ia ka football, badminton, cricket, athletics bad boxing.
Ia kine ki jingtip la phah sha ka National Education Society for Tribal Students (NESTS) ha ka 20 tarik u Jymmang 2022 hynrei ym shim la ioh ia kano kano ka jubab haduh mynta.
Ka Manipur Industrial Development Corporation Limited (MANIDCO) kala ioh ia ka kontrak ban tei 9 tylli ki EMRS ha ki jaka ki bapher bapher kaba kynthup ia ka Chokpot, Baghmara, Mawshynrut, Gasuapara, Betasing, Shella Bholaganj, Mairang, Mawthadraishan bad Resubelpara.
Ka Meghalaya Infrastructure Development and Finance Corporation Limited (MIDFC) kala shah pynkhamti na ka bynta 23 tylli ki skul, ha kaba 16 tylli kila ioh ia ka jingmynjur ha ka jinglut jingsep kaba kot T.48 Klur bad ki don hapdeng jong ka jingshna ha ki kyrdan ki bapher bapher.
Ka Water and Power Consultancy Services Limited (WAPCOS) kala shah pynkhamti ia ki 4 tylli ki skul bad ka jingtei kala sdang ha Nongstoin, Tikrikilla, Mawkyrwat bad Amlarem.
Ka jingiaid shakhmat jong kine ki projek, ha Nongstoin la pyndep haduh 46%, Tikrikilla la pyndep haduh 8%, ha Mawkyrwat la dep ban aiti ia ka DPR bad dang ap ban ioh ia ka jingmynjur, katba ha Amlarem la dep ban pyndep ia ka jingtei haduh 42%.
, ka thmu ban ai ia ka pule puthi kaba paka ia ki khynnah riewlum bad kane kala sdang ban iaid shakhmat ha kylleng ki bynta jong ka jylla Meghalaya.){kind=link}