Guwahati, Nailur 23: Na ka bynta baroh ki khynnah ba rung skul ha Assam, ka tnat Pule Puthi Sorkar Assam ka la pyntreikam ïa ka jingpynrung kyrteng ia ki khynnah skul ha ka Automated Permanent Academic Account Registry (APAAR ID) ba 12 nombor, ka ban treikam shirta.
Kane ka sienjam ka dei shi bynta jong ka ‘One Nation, One Student ID’ kaba iaid lang bad ka National Education Policy (NEP) 2020. Ia ka APAAR ID yn ai tang na ka bynta ki samla pule kiba don ia ka ID Aadhaar bad u Permanent Education Number (PEN) ba pyndonkam daka UDISE+ portal ha ki kyrdan skul.
Ka tnat pule puthi ka la pynpaw ba ka jingmynjur jong ki kmie ki kpa ka long kaba donkam bha na ka bynta ban pynmih ia ka APAAR ID.
Ha sdang pynkhreh iaka APPAR u bnai Nailar, ka Board of Secondary Education, Assam (SEBA) ka la pynmih ïa ka jingbthah sha ki nongpynïaid skul bad ki nongpynïaid skul ban pynlong ïa ki Aadhaar update camps.
Ka jingpynlong iaki Aadhaar Camp ka thmu ïa ki samla pule kiba don ha ka rta 5-7 snem bad 15-17 snem ban pynthikna ba kin pyndep ïa ka Mandatory Biometric Update (MBU) bad pynïasoh ïa ki mobile number jong ki bad u Aadhaar jong ki.
Haba pyntip ia kane lyngba ka X, u Myntri Pule Puthi ka Assam u Ranoj Pegu u la ong, “Ka Assam ka pyntreikam ia ka APAAR ID, ka jingithuh digital kaba don 12 dak ha ka jingim jong ki khynnah skul kiba pynrung kyrteng ha ki skul. Kane ka jingthmu hapoh ka New Education Policy 2020 kan pynbeit ia ki rekod pule, ban buddien ia ka jingkiew jong ki khynnah skul, bad kyrshan ia ki khynnah skul ha ka jingleit jingwan jong ki ha ka jingpule, Ki Kmie ki Kpa, sngewbha iadon bynta lang ha ki jingialang ban ai jingmynjur na ka bynta ka APAAR ID jong u khun jong phi”.
 ba 12 nombor, ka ban treikam shirta.){kind=link}