Shillong, Jymmang 02: Ka jingkhmih lynti ki paidbah ban slap noh namar ba la sdang ban tyrkhong na ka jingshit kyrang ka sngi, kala urlong hynne dang step phyrngab ha ka sngi Palei, ha kaba la ther u lapbah lapsan thik ha ka por 2 baje mynstep.
Kane ka jingther u lapbah kala ai jingkyrmen ia ki paidbah ha sor Shillong bad ha ki jaka kiba marjan khamtam ha kine ki sngi kiba la leit kala don ka jingshit kyrang ka sngi kaba la iaid ryngkat bad ka jingsaphriang ka Heat Wave.
Watla kala don ka jingslap jur hynrei kala don ruh ka jingjur jong ka lyer .
Kane ka jingslap kala iahap ruh bad ka jingbatai lypa jong ka tnad IMD ba kan don ka jingjur slap ha kylleng ki bynta jong ka jylla Meghalaya.
