Baghmara, Jymmang 10 : Ka jingtrei torti ia ka Baghmara Civil Hospital, South Garo Hills kala paw pyrthei ha kiba bun ki bynta jong ka jingtei, kaba la buh pynban ia ki paid nongpang hapdeng ka jingma.
Ka jingjrein um ka sad kala lam sha ka jingsyntuid ki madan bad lynti iaid, kaba la pynmynsaw pynban ia ki nongpang khamtam ia kiba leit sha painkhana.
Wat ki quarter sah ki nongtrei ka hospital ruh ki don hapdeng kajuh ka jinglong jingman, kaba la buh ha ka jingeh mynta bala wan ka lyiur.
Hadien ka jingioh pdiang ia ki jingujor halor ka jinglong jingman jong kane ka hospital, ka Association for Democracy and Empowerment (ADE), A.chik Youth Welfare Organization (AYWO), bad ka Niksamso Garo Community Organization kila leit tohkit ha kane ka hospital bad pynthikna ia kine ki jingkynnoh baroh.
Kine ki kynhun kila leit iakynduh ia ki bor pyniaid ka hospital bad buh ia ka jingkyntu ba kin shimkhia mardor ha kaban shna pynbha ne marmot noh ia kasad bad ba ai jingiada ia ki nongpang.
Kila maham ruh ba da ka jingwan jong ka lyiur, ka jinglong jingman ha kane ka hospital ka lah ban kham sniew lada ym lah ban maramot noh mardor ia kine ki jingtrei torti.
