Nongstoiñ, Ïaiong 26: Ka seng FKJGP Nongstoiñ pyllun ha ka sngi balang, ka la leit ban jurip ïa ka skul Jawahar Navodaya Vidyalaya Nongstoiñ kaba don ha ka shnong Mawkhlam Nongpyndeng, hadien ba ki khynnah pule kiba sah hostel ha katei ka skul ki la ujor ïa ka jinglong syier jong ka building.
Ha katei ka jingleit jurip,ka FKJGP kala lap ba katei ka hostel ka don shibun ki jaka kiba la synjor bad ba la sdang orpait ha ki bynta kiba bun. Pynban khlem da maramot hynrei la shu tah tang da ka rong halor ki jaka ba jot.
Kitei ki bynta kiba la sdang orpait ki dei ki jaka sah jong ki khynnah kynthei. La ïohi ruh ba watla ka dei da ka dewbilat, phewse ka la i shongsyier namar ki don bun ki bynta kiba khoh lada kum pyndei wat tang da ki kti.
Pule lang ia kane: Kem ki Pulit ka Ri Bhoi ia arngut ki nongkhaii droks na Byrnihat
Ha ka jingïakren bad u Principal ka skul, u la ong ba na ka liang jong ka skul ka la phah jingthoh ban pan jingïarap na ka bynta ban ïoh maramot. Hynrei namar ba ka dei na ka sorkar kmie kumta kan kham shim por ban pyndep.
Halor kane ka jingshem, ka seng ka la pyntip ba shen kan sa leit ban ai jingthoh ha u khlieh duh ka District jong ka West Khasi Hills u ba dei ruh u shongknor jong katei ka skul, ba un tuklar ïa katei ka kam namar ka ap jingmynsaw ïa ki khynnah pule kiba sah ha katei ka hostel.
Ha katei ka sngi la ïadonlang u samla Pynshai Kharbani President FKJGP Nongstoiñ pynllun bad kiwei kiwei ki dkhot jong ka seng.
Pule lang ia kane: Tripura: Shah thombor u YouTuber ba iashim bynta ki model Hindu ha ka ‘Eid Eid music video’
