Shillong, Jymmang 24 : U samla Menangmankhraw Kharkongor jong ka St.Anthony’s, uba la ioh ia ka Top Position ha ryngkat y Gaurav Bharali jong ka St. Edmunds ha ka Higher Secondary School Leaving Certificate (HSSLC), kila ong ba ka jingkiar ialade na ki social media bad ka jingtista ka dei ki shabi sha ka jingjop.
Baroh kine ki arngut-Menangmankhaw bad u Gaurav kila ioh mar 468 marks ha kane ka eksam.
Haba sam leit ia ki buit sha ka jingjop, u Menangmankhraw ula ong “Ka routine jong nga ha baroh shisnem ka long tang kawei nga ong ba kadei ka jinglong tista. Ngam da don eh ka routine namar man ka sngi ki bun kiei kiei kiba kylla bad kumta ngam lah ban buh ia ka por ba thikna ban pule kot hynrei man ka sngi nga ju pynlut por katto katne kynta ha ka kot”.
Une u samla ula pynpaw ba um don satia ia ka mobile phone bad ong “Ban kren hok, ngam don satia ia kano kano ka social media account naba ngam don satia ia ka phone. Nga pyndonkam da ka phone I mei. Kumta, kat ki message bap hah na ka skul ne na ki paralok, nga ju shim beit na I Mei”.
Ula ai burom ruh ia ka jingop sha u Blei, ki Kmie Kpa bad ki Nonghikai. “Nga da sngewnguh ei ia u Blei ba ula kyrkhu ia nga da ki nonghikai kiba sngewtynnad palat. Man ki jingeh ba nga iakynduh nga ju leit sha ki bad ki ju iarap bad ai mynsiem beit ia nga”.
Haba kylli kaei ka jingai jingmut ba u don ban ai sha kiwei, u Menangmankhraw ula ong “Ngi im ha ka pyrthei jong ka jingialeh bad ka jingai jingmut jongnga ia phi ba long ba phi dei ban kut jingmut ban kynjoh sha ka thong”.
Kumjuh ruh u Gaurav ula ong b aka jingjop jong u hi ka dei “ka jingshimkhia ia baroh kiei kiei”.
“Hooid nga la trei shitom bha bad nga shimkhia lut ia baroh kiei kiei wat ia ka test ba rit eh ba tang 5 mark” ula ong.
, kila ong ba ka jingkiar ialade na ki social media bad ka jingtista ka dei ki shabi sha ka jingjop.){kind=link}