Williamnagar, Nohprah 12: U Myntri Rangbah ka Jylla Conrad K Sangma hynne ka sngi nyngkong, ula aiti ia ki dulir aiwai jaka sha ki nongshongshnong ka Balsrigittim bad Warimagre ha sor Williamnagar, East Garo Hills, ha ka jingiadon ryngkat u MLA Marcuise Marak.
17 households of Balsrigittim and 6 from Warimagre were handed land documents today.
This fulfils our promise to the people of the 2 localities to resolves this long-pending issue and will further development in the areas that were deprived of due to the land settlement issues. pic.twitter.com/7gTph6godz
— Conrad Sangma (@SangmaConrad) December 12, 2022
Palat 1200 ngut ki nongshongshnong ba kine ki artylli ki Shnong, ki dei kiba shong ba sah ha ka jaka sorkar da ki snem bad kila pan ia ki dulir pata ban long ki nongshongshnong ba pura.
Kine ki nongshongshnong jong kine ki kyntoit kila mad ia shibun ki jingeh namar ka jing bym don ia ki kot ki sla khyndew kiba donkam haba shim ram shim shah na ki bank nalor ban ioh ia kiwei kiwei ki jingmyntoi n aka Sorkar Jylla.
Kine ki Nongshongshnong kila kyntu ia ka Sorkar ban tuklar bad ban pynbeit ia kane ka jingeh bad hapoh ka jingialam u Myntri Rangbah Conrad K Sangma, ka Tnad Revenue kala lah ban pynbeit ia ka kam da kaba wanrah ne ai ia ki dulir shongwai ha jaka ka Sorkar.
Haba kren ha ka jingialang, u Myntri Rangbah ula iaroh ia ka jingtrei shitom jong u MLA Marcuise Marak halor ka jingtynruh da kaba wanrah ia ki kynhun bapher bapher ban pynbeit ia kane ka kam.
Ula ong ba ha Tura bad Williamnagar, ki don katto katne ki kyntoit kiba mad ia kine ki juh ki jingeh na ka jingbym don ia ki kot ki sla bad ka Sorkar kala wad ia ka lynti lyngba ka jingai ia ka dulir shongwai khnang ba kine ki longiing kin ioh ia ki jingmyntoi kaba ai da ka Sorkar.
Ha kane ka sngi, u Myntri Rangbah bad u MLA kila aiti ia ki dulir shongwai sha ki 17 ngut ki nongshongshnong ka Balsrigittim bad 6 ngut ki nongshongshnong ha Warmagre.
