Shillong, K’lyngkot 22 : U Myntri Rangbah ka Jylla Conrad K Sangma ha ka sngi Ba-ar, ula aiti ia ka song tyngka ba T.40 klur kum ka jingsiew lypa ia ka bhah khajna na u dewiong sha ka Jaintia Hills Autonomous District Council (JHADC).
Ia kane ka song pisa la pdiang da u Chief Executive Member (CEM) ka JHADC Bah Thombor Shiwat, uba la pynpaw ia ka jingsngewnguh ia ka Sorkar Jylla ba kala pyllait lypa ia ka bhah.
Kane ka jingai ia ka song pisa kan pynlah ia ka District Council ba kan siew noh ia ka tulop jong ki Nongtrei, kaba la sahteng mynta la 12 bnai.
Ha kane ka jingialang aiti ia ka song posa la iadonlang ki arngut ki Symbud Myntri Rangbah-Bah Prestone Tynsong bad Bah Sniawbhalang Dhar nalor ki Myntri Sorkar.
Kane ka pyni ruh ia ka jingkut jingmut jong ka Sorkar ban kyrshan ia ki Autonomous District Council bad ban kyntiew ia ka bha ka miat jong ki paidbah.
.){kind=link}