-->

Aiti ki MP ka I.N.D.I.A iaka dorkhas sha ka Lat ka Jylla Manipur ban wanrah noh ia ka jingsuk

Date:

Share post:

Imphal, Naitung 30 :Ki 21 ngut ki MP ka kynhun synrop ka Liang Pyrshah bala tip kum ka Indian National Developmental Inclusive Alliance (INDIA), kala aiti ia ka dorkhas sha ka Lat ka Jylla Manipur Anusuiya Uikey ba kdew ia ka jingdonkam kyrkieh ban wanrah noh ia ka jingsuk ha Jylla Manipur.

Ka Indian National Developmental Inclusive Alliance ka dei ka kynhun ki Liang Pyrshah ka Ri India kiba la thaw ia ka kynhun ban iakhun pyrshah ia ka Bharatiya Janata Party (BJP) bad ka kynhun National Democratic Alliance (NDA) ha ka elekshon MP-Lok Sabha 2024.

U MP ka Congress Adhir Ranjan Chowdhury ha ka sngi U Blei ula pyntip ba baroh 21 ngut ki MLA ka INDIA kila poi ha Rajbhavan ha Imphal bad kila iakynduh ia ka Lat ka Jylla ban aiti ia ka dorkhas.

Ula pyntip ba hadien ka jingiakynduh ia ka Lat, ula ong ruh ba kaei kaba ki MP kila shem bad iohi, ka Lat kala ai ka jingmynjur.

Ula ong ruh ba ka Lat kala ai jingmut babaroh ki dei ban pynlong ia ka jingiakren bad ki Nongialam jong baroh ki Jaidbynriew ka Manipur ha kaban lah ban wanrah noh ia ka jingsuk.

“Kala ai jingmut ruh ba ka Liang Pyrshah bad ka Liang Synshar ki dei ban phah ia ka kynhun jong baroh ki seng sain pyrthei sha Manipur bad ban iakren bad ki nongialam jong baroh ki jaidbynriew, kaba long kongsan ha kaban weng noh ia ka jingbym iashaniah huh hapdeng ki paid nongshongshnong” ula ong.

Kine ki 21 ngut ki Nongialam ka Liang Pyrhsha kin don arsngi ha Manipur ban iakynduh ia ki nongialam jong ki Jaidbynriew bapher bapher bad ban leit jngoh ia ki lanot kiba la kylla phetwir nala ki jong ki Iingki sem bad ki Shnong ki thaw.

Share post:

-->
spot_img

Popular

More like this
Related

Vinoo Mankad Trophy | Watla ioh hattrick u Mewan, liem ka Meghalaya ha ka Sikkim da 3 wicket

Shillong, Risaw 09: U Mewankitbok Kharpuri u la ioh...

Bate kam u CEM ka KHADC ia ki 7 ngut ki EM 

Shillong, Risaw 09: U CEM ka KHADC Bah Winston...

Thung ka Sorkar ia ka SIT ban tohkit ia ka jingshah pyniap u Khynnah ha Nongrah

Shillong, Risaw 09 : U Symbud Myntri Rangbah ka...

Pynjari ka Meghalaya-Assam da ka korphiw miet ha khappud ka thain Lapangap

Shillong, Risaw 09: Ka Sorkar Meghalaya bad Assam, kila...