Shillong, Naitung 14: Ka United Democratic Party (UDP) hynne ka sngi Thohdieng, kala aiti ia ki jingai jingmut ba phra tylli ki mat sha ka Chairperson ka Committee ki seng sain pyrthei Kong Ampareen Lyngdoh, kiba iadei bad ka jingshong bishar thymmai ia ka State Reesrvation Policy ka Jylla.
Haba kren sha ki lad pathai khubor u general secretary ka UDP u bah Jemino Mawthoh ula ong ba haka jingialang bad ka myntri ka tnat Law, naka liang ka UDP kala ai ki jingai jingmut kiba bha tam bad kiba lah ban pdiang da baroh ki jaitbynriew kiba don ha Meghalaya.
U bah Jemino ula iathuh ba naka liang ka UDP kala shong jingialang haduh 14 sien haka jingdon lang ki stad ain bad ki stad haka pule puthi ban iakren kumno ban phah ki jingai jingmut shaka sorkar kiba biang tam ia baroh ki jaidbynriew hapoh ka jylla.
Haba kylli kiei kita ki jingai jingmut, naka liang u bah Jemino ula ong “Haka jingialang ka Myntri ka tnat Law kala pynpaw sha ngi ba kam pat long ban pyntip paidbah, kiei kita ki 8 tylli ki jingai jingmut baka UDP kala aiti shaka Chairperson namar ia kine ki jingai jingmut yn hap ban phah rah sha ka Expert Committee”.
U bah Jemino ula ong ba watla kam pat long ban pynpaw paidbah iaki jingai jingmut hynrei naka liang ka UDP kala dep ban bishar bniah bha ia baroh 8 tylli ki mat bad ka Party ka sngew ba kine ki jingai jingmut kim long pyrshah ia kano kano ka jaidbynriew kiba don hapoh Meghalaya.
“Ngi la ia im lang bad ki jaidbynriew Garo mynta la palat 51 snem bad nga ngeit ba ngi don ka jingiasngewthuh jingmut hapdeng baroh ar jaidbynriew ban wanrah ka jingkylla hapoh ka Reservation Policy kaba lah ban pdiang da da baroh ki jaidbynriew kiba don ha Meghalaya” ula ong.
Pule ruh: Pynbna u Myntri bala thaw ka Jylla ia ka State Education Commission
 hynne ka sngi Thohdieng, kala aiti ia ki jingai jingmut ba phra tylli ki mat sha ka Chairperson ka Committee ki seng sain pyrthei Kong Ampareen Lyngdoh, kiba iadei bad ka jingshong bishar thymmai ia ka State Reesrvation Policy ka Jylla.){kind=link}