Shillong, Rymphang 27 : U Symbud Myntri Rangbah Bah Prestone Tynsong ula pyntip ia ka Iingdorbar Thaw Ain ha ka sngi Thohdieng ba ka National Highway Authority of India (NHAI) kala pynkhreh ia ka mang tyngka (estimate) ban shna ia ka jingkieng iaid kjat bad ki lad iada shlem um ha surok NH-6, hynrei ka dang ap ia ka jingai jingmynjur na ka Ministry of Road Transport and Highways.
Ula pyntip ia kane haba jubab ia ka jingkylli bynrap bala wanrah da u MLA ka NPP Dr Celestine Lyngdoh, uba pan jingtip la ka Sorkar kan pynshna ia ka jingkieng iaid kjat ha Byrnihat, Nongpoh bad Umsning lada ka Ministry kam bei satia ia kane ka pisa ba donkam.
U Bah Prestone ula ong ba ki bynta jong ka surok na Jorabat-Lad Umroi ka dei ka jingbahkhlieh jong ka NHAI bad la dep pynlong ruh ia shibun ki jingialang halor kane.
“Ka jingtip ba khatduh kaba nga ioh ka long ba ka NHAI kala dep phah ia ka jingmang tyngka bad ka dang ap ia ka jingmynjut n aka MORTH” ula ong.
Ha ka lad marjan ka Umsning bypass, ula ong “Lada ia ka pisa yn kyrshan satia da ka MoRTH, ngin sa shong bishar bad pynthikna ba ngin pynbeit ia kane ka jingeh”.
Halor ka jingkylli u MLA ka Mawlai haba iadei bad ka jingshna ia ka surok thymmai na Mawiong sha Jingkieng Umsohlang, u Bah Prestone u pyntip ba ia kane ka jingpynsngew yn sa shong bishar.
“Ia mynta ngi sngewkhia halor ka jingkhapngiah ha Shillong… Kano kano ka jaka ba ngi ioh ban pynthikna ia ka jinglah ban pyniaid kali kat kaba lah, ngin sa leh ia kata” ula ong.
 kala pynkhreh ia ka mang tyngka (estimate) ban shna ia ka jingkieng iaid kjat bad ki lad iada shlem um ha surok NH-6, hynrei ka dang ap ia ka jingai jingmynjur na ka Ministry of Road Transport and Highways.){kind=link}