Guwahati, K’lyngkot 02: U Snem thymmai ula wanrah ia ka khubor ba bha ia ki paidbah ka Guwahati namar haduh 200 tylli ki bos elektrik kin sdang ban kamai mynta da ka jingkhap ribbon u Myntri Rangbah ka Jylla Himanta Biswa Sarma ha ka sngi Nyngkong.
Kine ki bos kin treikam hapoh ka Assam State Transport Corporation (ASTC).
Kum shi bynta na ka jingpyrshang ka Sorkar Assam ban tehlakam ia ka jingpynmih tben ki bos diesel, ka Sorkar kala wanrah noh da ki bos elektrik.
Kine ki bos kin iaid kamai ha baroh 13 tylli ki surok kamai ba don sawdong ka Guwahati.
La thied ia kine ki bos na ka Guwahati Smart City Limited project, kaba pyni ia ka jingkut jingmut jong ka Sorkar Assam ban wanrah ia ki kor ka juk ba mynta ha ka roi ka par jong ki jaka sor.
U Himanta Biswa u pyntip ba nalor ki jaka municipal, kine ki bos kin iaid kamai ruh sha Chandrapur, Dharapur, Mirza, AIIMS Guwahati, Sualkuchi, Baihata, bad Jagiroad.
.){kind=link}