Nongpoh, Risaw 21 : U MLA ka Nongpoh Bah Mayralborn Syiem, ha ka sngi Nyngkong, ula hiar leit jngoh ia ka skul Raid Hoppati Christian Secondary School kaba don ha shnong Kharpati, Ri-Bhoi bad aiti ia ka skhim ba kan shna iaka kynroh jong ka Iingskul.
Une u MLA ula aiti iaka work order ba T.2 lak na ka skhim SRWP sha u Principal ka Skul Nirmal Terang ha ka jingiadonlang ki nonghikai bad ki Kmie Kpa jong ki khynnah skul.
Haba kren ha ka jingialang ai skhim, u MLA ula ialap ia ki jingdonkam kiba kum ki khynnah ki dei ban ioh kat kum ka National Education Policy bad kumjuh ruh ia ka eksam CUET khnang ba kin long kiba la pynkhreh ynda kila pass na ki skul bad don jingthmu ban bteng ia ki jingpule ba shakhmat.
Ula tyrwa ruh ba kum u Nongmihkhmat un sa pynlong ia ka prokram kaba kyrpang ban pynsngewthuh ia ki paidbah halor ka NEP bad ka eksam CUET.
