Shillong, Naitung 23 : U Myntri Rangbah ka Jylla Conrad K Sangma ha ka sngi Palei, ula ai khublei ia u samla Kitkupar Nongsiej uba la ioh ia ka jaka napdeng ki Top 5 finalist ha ka World Championship of Performing Arts, kaba long ha Las Vegas, USA.
Haba thoh ha X, u Myntri Rangbah ula pynpaw ia kane ka jingjop kum ka jingai mynsiem bad ong ba ka dei ka khyllipmat kaba sngew sarong ia ka Jylla ban iohi ia ka sap ki samla na Meghalaya ban kiew ha rynsan iakop rwai jong ki ri ka pyrthei.
Congratulations to Kitkupar Nongsiej for securing a place among the Top 5 finalists at the World Championship of Performing Arts in Las Vegas, USA.
It is truly inspiring to see a young talent from Meghalaya shine on such a prestigious international stage. Happy to have supported… pic.twitter.com/Fm4zl9Tekf
— Conrad K Sangma (@SangmaConrad) July 23, 2026
“Ka long shisha ka jingai mynsiem ban iohi ia ki samla don sap na Meghalaya ba kin tyngshain ha ki rynsan ba pawnam ka pyrthei. Sngewkmen ban kyrshan ia u ha kane ka lynti iaid sha kane ka jingiakop, bad nga kitbok ba un nang ioh ia ki jingjop ha ki sngi ban nang wan” thoh u Conrad.
Ula bynrap ba u kyrmen skhem ba ki jingrwai u Kitkupar kan iai bteng ban pyniatylli ia ki briew bad pynlong ia ka Meghalaya kaba sngew sarong ha kylleng ka pyrthei.
