Shillong, Rymphang 07 : U Myntri Rangbah ka Jylla Conrad K Sangma, ula ai ka jingiaroh ia ka Deputy Commissioner ka East Khasi Hills Kong RM Kurbah halor ka jingai sngewbha iala ka jong ka jaka ban iarap weng ia ka jingkhapngiah ka Nongbah Shillong.
Haba pynpaw ia kane ha ka jingkren hapoh ka jingialang ban buh mawnongrim ia ka Wah Umkhreh Riverfront Development Project hynne ka sngi Balang, u Conrad ula ong ba ka DC ka EKH kala ialam lynti da ka nuksa.
“La iathuh ia nga ba ka (Kurbah) la ai sngewbha ia ka jaka shimet ban iarap weng ia ka jingkhapngiah ha Nongbah” ula ong.
“Kam dei ka kam kaba rit hynrei nga sngew ba kum ka Deputy Commissioner kala ialam lynti da ka nuksa. Nga ai khublei shisha ia ka halor kane ka nukna ba kala buh hakhmat ki nongshongshnong bad kumba nga ong, khlem ka jingiatreilang ki paidbah, ngim ym lah ban pyntyllun shakhmat ia kiei kiei baroh” ong u Conrad.
