Shillong, Jymmang 29: Ka Hynñiewtrep Integrated Territorial Organization (HITO) hynne ka sngi ka ai ka jingiaroh iaka Sorkar Jylla hadien baka la lah ban pynllait iaka Meghalaya naka jingtreikam ka eksamin CUET 2024.
Haka shithi sha u Myntri Rangbah ka Jylla Conrad K Sangma, u President ka HITO Bah Donbok Dkhar ula ong “Ngi ai khublei namar ka jinglah jong phi ban shim iaka sienjam ban pyllait iaka Meghalaya naka jingtreikam ka eksamin CUET ka ba la long ka jingkyrkhu iaki samla ka Jylla. Ki samla kila khuslai jingmut halor ka CUET kaba lah dep namar ka jingbym lah pynkhreh bha jong ka NTA ha Jylla. Ka jinglait ka Jylla naka CUET kala long ka jingkyrkhu kaba khraw iaki samla”.
Ka HITO ka kyntu iaka Sorkar Jylla ban bthah iaka tnat ba dei khmih ba ban pynbit pynbiang iaki jingdonkam haba iadei bad ka eksamin CUET 2025, khnang ban pyllait iaki samla naki jingeh kumba ki ia kynduh haka eksamin kaba dang shu dep long shen.
 hynne ka sngi ka ai ka jingiaroh iaka Sorkar Jylla hadien baka la lah ban pynllait iaka Meghalaya naka jingtreikam ka eksamin CUET 2024.){kind=link}