Shillong, Naitung 09 : U Myntri Rangbah ka Jylla Conrad K Sangma ha ka sngi U Blei, ula ai khublei ia ki paidbah ka Jylla Meghalaya halor ka jinglehniam Behdeinnkhlam.
Haba thoh ha Twitter, u CM ula ong “Ai khublei ia ka Behdeinkhlam bakmen ia baroh” bad bynrap “Ai ba kane ka jinglehkmen kan dap da ka jingkmen, ka jingkiew shaphrang bad ka jingiatylli”.
Wishing everyone a joyous #Behdienkhlam festival!
May this celebration of harvest be filled with happiness, prosperity, and unity. pic.twitter.com/RNHDtpAjQ6
— Conrad K Sangma (@SangmaConrad) July 9, 2023
Halor ka Behdeinkhlam
Ka Behdeinkhlam kadei kawei napdeng ka lehniam lehrukom tynrai kaba heh tam jong ki Pnar ha Meghalaya. Ka Behdienkhlam ka dei ka jingleh niam ban beh ia ka khlam jingpang.
Man la u snem la rakhe ia ka Behdienkhlam ha u Naitung hadien ba la dep ban thung kba bad ka dei ruh ka shad kaba kongsan tam jong ki riewlum Jaintia.
Ha ka por jong ka jingrakhe iaka Behdienkhlam, ki riewngeit ki pan iaka jingkyrkhu kyrdoh na u Blei Trai Kynrad na ka bynta ban bha ka rep ka riang.
Ha katei ka shad ki kynthei kim ju iashimbynta ha kaban iashad hynrei ki pynkhreh ia ka bam ka dih na ka bynta ban ai sha kito kiba la khlad noh.
Ia ka jinglehniam Behdienkhlam la pynlong ha Jowai bad kadei ka jinglehniam lehkmen kaba pawnam bha ha ka jylla.
Pule lang ia kane:Â Plie u myntri rangbah iaka National Law University
