Shillong, Jymmang 15: Ka All India Council for Technical Education (AICTE) kala ai ia ka jingmynjur (Approval) ban sdang treikam noh ka Shillong Engineering College ha Jylla.
Ia kane la pyntip da u Myntri Rangbah ka Jylla Conrad K Sangma ha ka jingthoh kaba ula thoh ha ka rynsan social media X.
Thrilled to announce that Shillong Government College of Engineering has received the Letter of Approval from the All India Council for Technical Education (AICTE) for launching Civil Engineering and Electrical Engineering courses, marking the first government engineering college…
— Conrad K Sangma (@SangmaConrad) May 15, 2025
U Myntri Rangbah ula ong “Kmen palat ban pyntip ba ka Shillong Government College of Engineering kala ioh pdiang ia ka shithi jingmynjur (Letter of Approval) na ka All India Council for Technical Education (AICTE) ban sdang noh ka Civil Engineering bad Electrical Engineering course”.
Ula bynrap ” Kane ka dei ka dak jong ka Government Engineering College ba Nyngkong eh hapoh ka Jylla”.
Ia ka shithi (LoA), ba 30 tarik Iaiong lah phah sha u Principal Secretary ka Tnad Education ka Jylla. Kane ka jaka pule ka don ha Mawlai Kynton Massar, East Khasi Hills district bad kala pyniasoh ialade bad ka North Eastern Hill University (NEHU), Shillong.
Ka college kan sdang noh ia ka program jong ka Civil Engineering bad Electrical Engineering, da ka jingpynrung klas ba 30 ngut ki samla pule na ka bynta u Snem 2025-26. Sa 10 % ki seat lah buh bhah kyrpang ia ki samla kiba wan na ki longing ba duna ka jingioh, kaba long kat kum ka policy ka Sorkar Jylla.
Kat kum ki kyndon kaAICTE, kane ka college ka dei ban pynbiang lut ia ki jingdonkam haba iadei bad ki jingtei, ka jingthung Nonghikai bad ka jingai jinghikai kaba janai. La khmih lynti ba ka Sorkar Jylla kan ai pahuh ia ka pisa ban lah pynbiang ia kine ki jingdonkam.
Ka college kan hap ban ioh ia ki jingpyniasoh/jingbit na ki University ba ki leit pyniasoh/Board of Technical Education (BTE)/ Board of Technical Education & Training (BTET) kat kum ka schedule jong ka University/ Board of Technical Education (BTE)/ Board of Technical Education & Training (BTET) bad kiwei kiwei.
Ka college kam dei ban pynrung klas tam ia u pud bala buh ne mynjur lada long kumno kumno ruh. Lada jia ba pynrung tam bad don ba pyntip sha ka Council, ka Council ka lah ban leh tyngeh kat kum ki kyndon bala buh.
Ka college kam dei ban don ka jing iapynbeit ban iatreilang bad kino kino ki university napoh ka Ri ne nabar Ri ba kin pynlong ia ki technical course khlem da ioh ia ka jingmynjur ka AICTE. Lada don ba pyntip ba pynkhein ia kane ka kyndon sha ka Council, ka Council kan leh tyngeh kat kum ki kyndon pyrshah ia ka college.
La pynshlur ruh ia ka college ba kan iashimbynta ha ki program ka Ri kum ka
Smart India Hackathon, ATAL Faculty Development Programs, bad ki student scholarship schemes kum ka Pragati, Saksham, bad Swanath.
