Shillong, Lber 23 : Ka Meghalaya Human Rights Commission (MHRC) kala ai jingmut ban siew bai lutksan ba T.10 lak sha ki Khun jong ka Longkmie ba punkhun, kaba khlad ha Jowai MCH Hospital, haba rai ba ka jingbym shimkhia ki nongai jingsumar kala lam sha ka jingiap ha u snem 2025.
Ka Commission kala shim ia ka suo motu case ia kane ka jingjia hadien ka jingmih ha ki kot khubor ha ka 6 tarik Jylliew, 2025.
Ki bahaiing hasem na ka shnong Jalaphet, East Jaintia Hills, kila kynnoh ia ka jingkhein sting jong ki nongtrei ka hospital halor kane ka jingiap.
Ka Health & Family Welfare Enquiry Committee bala thung ha ka 7 tarik Naitung, 2025, kala “shem ia bun ki jingbym biang ba iadei bad ka jingiap kane ka nongpang” ong ka kyrwoh na u Secretary ka MHRC L Ch Marak ha ka sngi Nyngkong.
“Ka Commission kala pynmih ia ka hukum ba khatduh ha ka 23 tarik Lber, 2026 ba la phah sha u Additional Chief Secretary ka Tnad Health & Family Welfare ka Sorkar Jylla, da ka jingai jingmut ban siew ia ka bai lutksan ba T.10 lak, ka ban siew sha ki khun jong ka lanot khnang ba kin ioh ia ka jingim ba kham bha namar ba kila duh noh iala ka Kmie” kala ong.
 kala ai jingmut ban siew bai lutksan ba T.10 lak sha ki Khun jong ka Longkmie ba punkhun, kaba khlad ha Jowai MCH Hospital, haba rai ba ka jingbym shimkhia ki nongai jingsumar kala lam sha ka jingiap ha u snem 2025.){kind=link}