Shillong, Naiwieng 14: Kum shi bynta ban kyntiew iaka jingialehkai Cricket hapdeng ki samla riewlum ka Jylla, ka Meghalaya Cricket Association ha ka sngi Thohdieng, kala mynjur ban ai jingkyrshan ia ka Khasi Students’ Union (KSU) ha ka jingpynlong iaka lympung ialekai cricket kaba man u snem.
Ia kane la pyntip da u Honorary Secretary ka MCA u Bah Rayonald Kharkamni.
Ka Maitshaphrang Khasi League ka dei ka lympung ialehkai T20 cricket ka ban plie lad iaki samla Khasi bad ka bynta jong ka MCA kan long ban ai ka jingkyrshan katkum ka jingdonkam.
Nalor kane ka MCA ka dang wad ïa ki lad ki lynti na ka bynta ban pynlong ïa kum kane ka lympung ïalehkai ha Garo Hills lyngba ka jingprat lynti da u Vice President ka MCA u Sengnab Momin.
Ka MCA ka la wad bniah bha ïa ki lad ki lynti ban pynshlur ïa ki samla trai ri trai muluk ban shim ïa ka jingïalehkai cricket naduh ki School Level, daka ba pynlong iaki Special Camp haki jaka sor bad khap sor daka pynshlur ruh ia kiwei ki jaidbynriew ban shim bynta.
Ka jingkyrshan ia ka KSU ka long ban pynroi iaka kam ialehkai Cricket hapoh ka Jylla khnang baka thain kan kiew haka kam ialehkai.
 ha ka jingpynlong iaka lympung ialekai cricket kaba man u snem.){kind=link}