Shillong, Nohprah 06 : Ka University Grant Commission (UGC) ka Ministry of Education, ka Sorkar India, kala ai ka jingithuh kum ka University ba pura ia ka Captain Williamson Sangma State University (CWSSU), West Garo Hills District.
U Deputy Secretary ka UGC Dr Amol M Andhare ha ka shithi bala phah sha u Registrar ka Captain Williamson Sangma State University (CWSSU), la pyntip ba ia ka kyrteng jong ka CWSSU la pynrung mynta ha ka thup jong ki University bala seng kat kum ka kyndon 2(f) jong ka UGC Act, 1956.
Ula pyntip ba ia ka thup jong baroh ki jaka pule Higher Education (University bad College) bala ithuh da ka UGC la pynrung mynta hapoh ka website jong ka UGC http//www.ugc.gov.in.
Ka CWSSU kala iohbor mynta ban ai ia ki degree bala buh da ka UGC hapoh ka kyndon 22 jong ka UGC Act 1956 da kaba pyniaid ia ki course lyngba ki Tnad lajong lem bad ki college ba wan pyniasoh.
La ong pat ba lada ka kwah ban pyniaid ia ki professional, technical, medical programme, ka CWSSU ka dei ban ioh ia ka jingbit na ki Regulatory Council/Commission.
 ka Ministry of Education, ka Sorkar India, kala ai ka jingithuh kum ka University ba pura ia ka Captain Williamson Sangma State University (CWSSU), West Garo Hills District.){kind=link}