Shillong, Rymphang 01 : Ki Nongshong dukan madan bala pynkynriah na lynti iaid kjat ka Civil Hospital sha sha phyllaw PWD, Barik, kila pynpaw ia ka jingsngewnguh ia ka Sorkar Jylla bad ka Shillong Municipal Board (SMB) halor ka jaka shong dukan madan ba thymmai.
“Ka jaka ka kylluid bha bad kan ai jaka rieh ia ngi na u slap bad ka sngi ha kine ki bnai ban wan” ong iwei I nongshong dukan madan iba la iaroh ia kane ka sienjam ba shim da ki bor Sorkar.
Iwei pat ila pynsngew “Kane kan nang pynkhlain ia ka jingkam jong ngi ia ka hok ban kamai jakpoh hangne ha Sor”.
Kumba 30 ngut ki nongshong dukan madan kila die ia ki mar bapher bapher ha kane ka jaka shong dukan madan ba thymmai.
“Ka kamai jong ngi ka shu iabiang hi, hynrei ngi kyrmen ba ki briew kin kyrshan ia ngi hangne kumba ki ju leh ha Civil Hospital” kila ong.
Kane ka jingpynkynriah kala pynkylluid ia ka surok bad ailad ia ka iaid ka ieng ba kylluid jong ki kali bad ki briew najan ka Civil Hospital.
 halor ka jaka shong dukan madan ba thymmai.){kind=link}