Shillong Jylliew 29: Kum shi bynta ban kyntiew iaka jingialehkai Cricket ha ka jylla, ka Meghalaya Cricket Association (MCA) kala pynlong iaka jingai jinghikai ia ki Umpire ka jylla ia kaba la tip kum ka Six-Day Level O Course.
Ha katei ka jingai jinghikai la wan ban iashimbynta da ki 49 ngut ki Umpire na kylleng ki bynta jong ka jylla Meghalaya, kiba la mihkhmat naki 11 tylli ki District Cricket Association.
La sdang ia katei ka jingai jinghikai haka 25 tarik u Jylliew ha Polo Ground, Shillong bad la ai jinghikai ia kitei ki Umpire da ki riewshemphang kiba kynthup ia u Satrajit Lahiri uba long u Umpire jongka BCCI bad u Susanta Pathak uba dei u Umpire ba la shongthait jongka BCCI.
