Shillong, Naiwieng 05 : Ka ACCENTUATE Makeup and Hair Academy ka la pynlong ïa ka jingai jinghikai pyntbit lane ka Workshop ba ar sngi naka bynta ki koidi jong ka District Jail, Shillong.
Iaka Workshop la pynlong da ka Ophis Deputy Commissioner (DC) East Khasi Hills haka jingiatreilang bad ka Meghalaya State Skill Development Society (MSSDS).
Ha kane ka Workshop la ai jinghikai ïa ki 30 ngut ki koidi, kynthei bad shynrang ha ka Beauty Techniques, Makeup Artistry bad Hairstyling.
Haba ai jingkren, ka Deputy Commissioner Kong Rosetta Mary Kurbah ka la ïaroh ïa kane ka jingpyrshang, da kaba ong ba kane ka jingthmu kan ai bor ïa ki koidi da ki sap ba kordor ha ka kam, kaba pynlah ïa ki ban wad ïa ki lad treikam ba thymmai hadien ba la pyllait ïa ki naka jingset byndi.
Iaka Workshop la pynïaid da u Bah Badap Hynniewta, Educator bad Nongseng ïa ka ACCENTUATE Academy, bad ka kynhun jong u.
Ka kynhun kala ban jur ïa ka jingdonkam jong kum kine ki sap ha ka ban kyntiew ïa ka jingshaniah ha lade bad ban plie ïa ki lad ban ïoh kam ïoh jam.
