Shillong, Lber 30 : Ka Iingkashari Lower Court, hynne ka sngi Palei kala ai jamin ia u Heh Pulit ba shah sospon Bah Gabriel K iangrai, uba shah kem halor ka jingkynnoh donkti ha ki kam bamsap.
Ia kane la pynthikna da u nongiasaid ain jong une u Heh Pulit u P Yobin.
U Bah Iangrai ula shah kem ha ka 2 tarik Naiwieng, 2022 ha ka CID hadien ka jingkhynra ia ka Iingsah jong u ha Shyiap, Golflink.
Ki Pulit kila register case pyrshah ia u ha ka 28 tarik Risaw 2022 halor ka jingkynnoh ba u pyndonkam bakla ia ka pisa bala mang sha ka jingtei jong ka NERS PSAP ha Sadar PS Complex.
Shuwa kane, ka Kynhun tohkit bala khlieh da u Inspector General ( Law & Order) Mukesh Kumar Singh, kala lap ia ka jingdonkti u Bah Iangrai ban thied haduh 29 tyli ki kali ha ka por ba u dang bat kum u Assistant Indpector General of Police (Administration).
