Shillong, Naiwieng 14 : Ka Iingkashari Meghalaya High Court, hynne ka sngi nyngkong kala ai jamin ryngkat ki kyndon ia u Vice President ka BJP bad MDC ka Tura Bernard N Marak, uba shah kem halor ka jingkynnoh ba u pyniaid ia ki kam awria hapoh ka farmhouse shimet jong u ha West Garo Hills District.
Ia kane ka hukum la pynmih da ka Iingkashari Single Bench, kaba ong ba u Bernard ula shah set halor ki jingkynnoh bym I shongnongrim haba pynwai ia ka jingpan bah jamin da u para u Bernard u Tingku N Marak.
“La bthah ba ia u Hynmen jong u Nongpan jamin, Bernard N Marak, ban pyllait noh da ka bah jamin haba iadei bad ka Tura Women PS Case No. 107(07)2022, lada um donkti shuh ha kiwei kiwei ki case, halor ki kyndon : bay m dei ban phet rieh lane pynjulor ia ki sakhi satar ne nongsakhi, ba u dei ban leit mih hakhmat u Investigating Officern haba shah khot, ba um dei ban mih shabar ka Ri India khlem da ioh jingbit na ka Iingkashari bad ba u dei ban buh ia ka personam bond ba T. 30000 ryngkat bad artylli ki sureties kat kum ka jingihun jong ka Iingkashari” kala ong.
Ka Iingkashari ka ong ruh ba kala lap ba kam I don satia kano kano ka sakhi ba thikna ba u Bernard u don bynta halor ka jingkynnoh leh beijot ia ka Khynnah hynrei ka jingkyrpad jong u IO ka long ba naba ia kane ka khynnah la ioh ban pyllait n aka farm jong u, kumta, ka jingtohkit ia u ka ong kaba donkam na ka bynta ka case.
Kala pynpaw ruh ba ka kam lehbeijot ba kynthup ia I Khynnah kynthei ka dei kaba khia bha, kumta, wat ka kaiphod medical ka ai jingmut ba kano kano ka jingleh beijot ia ine I Khynnah kam dei satia kaba dang shu jia shen.
Haba pynpaw ba kam don satia kino kino ki sakhi ba pyniadonbynta ia u Bernard ba kane ka jingle beijot, ka Iingkashari kala ong “Kam don jingeh satia ia u IO ban pynlong ia ka jingtohkit watla une u nongshah kynnoh um don satia ha along bad kano kano ka sakhi ba ioh lum katba dang iaid ka jingtohkit lah ban wanrah ha ka por ba iaid ka jingbishar”.
Ka ong ruh ba naba ia u Bernard ym shym la kem ha ryngkat bad kane ka khynnah ha ka por ba leit khynra, kumya ban ong ba u lah ban dei u nongleh beijot tang namar ba u deiu trai jong kane ka nongkynti ka long kaba palat liam.
Ka dei ha ka 26 tarik Naitung ba ki Pulit kila kem ia u Bernard na Hapur District ka Uttar Pradesh hadien ka jingphet rieh na ka jingkyndang ki Pulit ia ki kam awria ha ka farmhouse jong u, kaba lam sha ka jingioh pyllait ia 5 ngut ki khynnah bad ioh kem haduh 73 ngut ki briew.
Ia u Bernard nyngkong eh la kem haba iadei bad ka Tura PS Case No. 166(07)2022 kat kum ka 120/120B/121/121A/109/110 IPC pule lang bad ka kyndon 4/5 jong ka Explosives Substances Act bad ruh ia kawei ka case jong ka Tura Women PS Case No. 105(07)2022 kat kum ka kyndon 3/4/5/6/7 jon gka Immoral Traffic (Prevention) Act.
Hynrei hadien ia u Bernard la pyni bala kem ruh halor ka Tura Women PS Case No. 107(07)2022 kat kum ka kyndon 5(l)(m)/6 jong ka Protection of Children from Sexual Offences (POCSO) Act, 2012.
Ha ka 1 tarik u Risaw, ka Single Bench kala ai ia ka bah jamin ia u Bernard haba sngap ia ka jingpan bah jamin jong ka kurim ka LK Gracy.
