Guwahati, Lber 24 : Ka Iingkashari Gauhati High Court ha ka sngi Nyngkong, kala ai ia ka jamin ba shipor ia u Chancellor ka University of Science & Technology Meghalaya (USTM) Mahbubul Hoque halor ka Dhekiajuli PS case ba kynnoh bam pisa ban pynleh thok ha ka eksamin CBSE.
Ia kane ka mukotduma la mudui hapoh ka kyndon 318 (4)/316 (5) / 336 (3) jong ka Bharatiya Nyaya Sanhita (BNS) bad kyndon 11(1) jong ka Public Examination (Prevention of Unfair Means) Act, 2024.
Ka Iingkashar Single Judge Mitali Thakuria kala ai ia ka jamin ba shipor halor ka jingsiew ia ka surety ba T. 50,000 ha ryngat bad kawei pat ka surety ha kajuh ka dor, kaba la pynhun ia u Chief Judicial Magistrate, Dhekiajuli.
Ka Iingkashari kala buh pat ia ka kyndon ba u Mahbubul u dei ban ai ka jingiatreilang ba pira bad ki kynhun tohkit bad ban leit mih sha u Investigating Officer haba u donkam. Nalor kane, ka Iingkashari kala bthah ia u Mahbubul ba um dei ban byrngem lane byrngem ban pynbiej ia kini kino ki briew kiba tip ia ka jingshisha halor kane ka jingjia.
Haba ai jamin, ka Iingkashari ka shimkhia ba u nongmudui ula pynksan bha iala ka mukotduma ban ioh jamin hynrei kum ka sienjam ban iada, ka Iingkashari kala hukum ban shong bishar biang ia ka case diary sha ka 9 tarik Iaiong hashuwa ban shim ia ka rai ba khatduh.
 Mahbubul Hoque halor ka Dhekiajuli PS case ba kynnoh bam pisa ban pynleh thok ha ka eksamin CBSE.){kind=link}