Nongstoiñ, Risaw 24: Ha ka janmiet sngi u Blei, uwei u rangbah u ba la tip kyrteng kum u (L) Prestarius Thongni 40 snem na ka shnong Seiñ, u la shah siat da ka suloi ha u briew u bym lah ban tip katba u dang leit siat sim ha khlaw.
Kat kum ki tyllong khubor ba la їoh lum, la ong ba ha katei ka sngi hadien ba la wai jingїaseng, utei u rangbah bad ar ngut ki paralok jong u ki la leit ban siat sim ha kawei ka khlaw kaba ki khot ka Patharumlang kaba don ha ka shnong Patharkhnang.
La ong ba hadien ba ki la poi ha katei ka jaka ki la їakut ba ynda la sdang kem їongreiñ kin sa wan їakynduh lang ha katei ka juh ka jaka bad ha uno uno uba lap їa ki jaka ba ki sim ne syiar khlaw ki thiah miet, kin sa leit siat da ki jri siat sim kiba ki la rah lypa.
La ong ruh ba ynda la sdang sep ka sngi ki ar ngut ki paralok ki la wan poi lang ha katei ka jaka bad katba ki dang їa ap їa u hangta, ki la їohsngew їa ka jingsawa jong ka ktang suloi ha ka khlaw kaba don sha shilliang na katei ka jaka ba ki la їakut ban wan їa kynduh shuwa.
Ki tyllong khubor ki la ong ruh ba kitei ki ar ngut ki paralok ki la їa ap slem bha, hynrei namar ka jingbym shym la wan phai katno katno ruh, kumta ki la leit noh sha shnong bad leit kylli na kiba ha їing їoh lehse u la wan phai iing
Ki bahaiing haba ioh ia kane ka khubor kila iamih lem bad ki paitbah n aka shnong ban leit wad їa u shimiet shimiet bad ki la lap pynban ba u la thiah їap hajan katei ka jaka ba sawa ktang suloi.
Mar shu lap їa ka met їap, ki bahaiing kila pyntip wut wut sha ki pulit ka Mawshynrut Police Station kiba la leit ban tohkit shimti ia ka metiap. Ki Pulit kila register case halor kane ka jingjia bad ka jingtohkit mynts kala iaid shakhmart.
