Shillong, Naiwieng 10 : Ka ding kaba shyrkhei bha kala bam duh ia kawei ka godown ha Demseiñiong, kaba don mar pyrshah ka Ophis NEEPCO, Shillong. Kane ka jia hynne ka sngi Ba-ar ha ka por 2:30 baje janmiet.
Kane ka godown la pyntip ba ka dei ka jaka ba buh buh ia ki tiar tent-house bad ki tiar aiwai, kynthup ki tiar ba pyndonkam ha ki iingkhawai, iingiathoh bad kiwei kiwei.
Ki Pulit pynlip ding kila poi sha katei ka jaka ban iakhun ia ka ding.
U Superintendent of Police ka East Khasi Hills Bah Vivek Syiem ruh, ula poi sha kane ka jaka ban peit thuh ia ka jinglong jingman.
Haduh mynta ym pat lah ban ioh jingtip ia ki jingduhnong lane ioh don mano mano ba mynsaw ne kiba iap ha kane ka jingjia.
