Shillong, Risaw 28 : Ka Tnad Meghalaya Police kala kyntu ia ki paidbah ban phone ha u nombor 112 haba donkam ia ki jingiarap ba kyrkieh, kynthup ka jingshakri ki Pulit, ki jingjia pluh ding bad ki jingpynjulor ka mariang.
Ha ka kyrwoh, ka Ophis jong ka Director General of Police ka ong u nombor 112 u dei u common emergency helpline number hapoh ka Emergency Response Support System (ERSS), kaba la pynwandur ban pynioh ia kino kino ki jingshakri ba long kyrkieh lyngba uwei u nombor.
Kane ka kyrwoh ka long ban pynsngewthuh ia ki paidbah halor une u helpline number bad ban pynsuk ia ki paidbah ba kin pan ia ki jingiarap haba don kino kino ki jingjia.
