Arunachal, Nailur 30 : Ki nongshong shnong ha Geku bad Komkar ki thang ia ki kali sorkar bad ki kali pulit, bad u Myntri Rangbah u Pema Khandu u la pynkut noh ia ka jingleit jngoh sha Yingkiong
La iathuh ba ki jingiakhih kiba jur, ki la mih ha ki shnong Geku bad Komkar, kiba don ha Upper Siang District jong ka Arunachal Pradesh, halor ka jingthmu ban shna ia ka Siang Upper Multipurpose Project.
Katkum ki khubor, ki nongiakhih kiba pyrshah ia katei ka jingthmu jong ka projek heh ki la thang ia ki katto katne ki kali sorkar bad ki kali pulit katba ka jingkulmar ka nang jur ha katei ka thain.
Ka jinglong jingman ka la ktah ruh ia ka jingleit jngoh jong u Myntri Rangbah ka jylla u Pema Khandu sha katei ka District.La iathuh ba U Khandu, ula pynkut noh ia ka jingleit jngoh jongu sha Yingkiong, kaba dei jong ka Upper Siang District, hapdeng ka jingkulmar.
Ki nongiakhih ki pynpaw ia ka jingpyrshah ia katei ka projek ba la tyrwa hapdeng ki bynta jong ki nongshong shnong.
